USD 3.1048
EUR 3.6919
RUB 4.2633
თბილისი
ემრე ქუჩუქი ანუ იგივე სურენ დანელიანი
თარიღი : 07.12.2021 16:32  417

 “ალტ-ინფოს” წევრია ემრე ქუჩუქი, რომელიც განსაკუთრებული აგრესიითა და ძალადობისკენ მოწოდებით გამოირჩევა. 

11 ივლისს ემრე ქუჩუქმა ჟურნალისტებს გვაგინა, გარდაცვლილ ალექსანდრე ლაშქარავას ნარკომანი უწოდა. “თქვე დედამო…ულო ლიბერასტულო არხებო, ექსპერტიზა არ ჩატარდესო რომ კიოდით და 5 ივლისს ცემით მოკლესო, ტრადიციულ და რელიგიულ ხალხზე გადაბრალება რომ გინდოდათ, ზუსტად ამ თქვენი ნაბიჭვრული და მტრული მიდგომის გამოა სადაც დაგინახავთ ხალხი, იქვე სახის ძვალი რომ გეხევათ!” –   წერს ემრე ქუჩუქი თავის ფეისბუქ გვერდზე. 

ემრე ქუჩუქი “ალტ-ინფოს” გადაცემების ერთ-ერთი წამყვანია. სანამ “ალტ-ინფო” სატელევიზიო მაუწყებლობაზე გადავიდოდა, მისი ძირითადი პლატფორმა ფეისბუქის გვერდები იყო. ქუჩუქი მართავდა გვერდს სახელით “ალფა დომინანტი,” რომელიც ყველაზე ხშირად ავრცელებდა ჰომოფობიურ, ქსენოფობიურ, სექსისტურ და რასისტულ გზავნილებს.  

ემრე ქუჩუქი არ არის ის სახელი და გვარი, რომელიც მას დაბადებიდან ერქვა. მან სახელი და გვარი 2011 წელს ოფიციალურად შეიცვალა, რაც პრობლემა საერთოდ არაა. სახელისა და გვარის ცვლილება ჩვენი კანონმდებლობითაც დასაშვებია. 

პრობლემაა ის, თუ როგორ იყენებს ქუჩუქი თავის ახალ ვინაობას და რა ლეგენდას ქმნის საკუთარი პიროვნების შესახებ. წლებია ის თავს ლაზად ასაღებს. სინამდვილეში, 1991 წელს თბილისში დაიბადა და მისი თავდაპირველი სახელი და გვარი სურენ დანელიანი იყო. მამამისი ალექსანდრე ავაქიანი იყო. დედა კი ასია დანელიანი. 

ფოტო აღწერს ცესკოს 2011 წლის მონაცემებს

 

ბოლო ორი ფოტო აღწერს ცესკოს ამჟამინდელ მონაცემებს

დედამისმა, ასია დანელიანმაც შეიცვალა გვარი და ახლა ისიც ქუჩუქია. 

საქმე ის კი არაა, რომელ ეთნოსს მიეკუთვნება ქუჩუქი, საქმე ისაა, რომ ის ატყუებს თავის მიმდევრებს და იმ ლეგენდას ქმნის, რომელიც ადამიანებში მეტ ემოციას გამოიწვევს. 

დავურეკეთ ემრე ქუჩუქს, რას გვიპასუხებდა, გვაინტერესებდა. დაგვპირდა, რომ გვიჩივლებს. დაე, გვიჩივლოს. 

წყარო:ifact.ge

კულტურა
ავტორები, დიზაინერები და გამომცემლები კულტურის მინისტრს,თეა წულუკიანს ღია წერილით მიმართავენ

ავტორები, დიზაინერები და გამომცემლები კულტურის მინისტრს, თეა წულუკიანს ღია წერილით მიმართავენ. ისინი ითხოვენ დაუყოვნებლივ იქნეს გახმობილი სამინისტროს მიერ დანიშნული ჟიურის წევრი პრემია "ლიტერას" კონკურსიდან და ეჭვქვეშ აღარ დადგეს ჟიურის თვისუფლების, მიუკერძოებლობისა და პროფესიონალიზმის ხარისხი. მწერლების პროტესტის მიზეზი იოსებ ჭუმბურიძის კონკურსის ჟიურიში ყოფნა გახდა. ანტიდასავლური განწყობებით ცნობილი და ხელისუფლების მიმართ ლოალურად განწყობილი ჭუმბურიძე სამინისტროში შემოქმდებითი პროცესის ხელშეწყობის დეპარტამენტშია დასაქმებული."ჩვენთვის, „ლიტერას“ გრძელ სიაში შემავალი ავტორების, დიზაინერებისა და გამომცემლებისთვის, კატეგორიულად მიუღებელია, როგორც „ლიტერას“, ასევე, „ლიტერა მთარგმნელებისთვის“, დამოუკიდებელი ჟიურის წევრად, სამინისტროს წარმომადგენლის დანიშვნა, რადგან მიგვაჩნია, რომ ეს ქმედება სამინისტროს მხრიდან ლიტერატურულ პროცესებში ერთმნიშვნელოვანი და უხეში ჩარევაა, რომელიც არა მხოლოდ ზღუდავს ჟიურის დანარჩენი წევრების თავისუფალ მუშაობას, არამედ მიუთითებს ლიტერატურულ პროცესებში გაუმართლებელი მონაწილეობისა და შემოქმედებით თავისუფლებაზე ზეწოლის უფრო ფართომასშტაბიან საფრთხეებზე.

მიგვაჩნია, რომ სამინისტრომ დაუყოვნებლივ უნდა გაიწვიოს მის მიერ დანიშნული წევრი ჟიურიდან. „ლიტერა“ სახელმწიფო პრემიაა და მისი ჟიურის თვისუფლების, მიუკერძოებლობისა და პროფესიონალიზმის ხარისხი, კითხვის ნიშნის ქვეშ არ შეიძლება დადგეს" - ნათქვამია ღია წერილში, რომელსაც ამ დროისთვის 30-მდე ხელმომწერი ყავს. ხელმომწერთა ნაწილმა პროტესტის ნიშნად უარი თქვა კონკურსში მონაწილეობაზე.

წერილზე ხელმოწერები გრძელდება, ამ დროისთვის კი ხელმომწერთა სია ასე გამოიყურება:

 
  • თამთა მელაშვილი
  • მიხეილ ციხელაშვილი
  • ივა ფეზუაშვილი
  • ბათუ დანელია
  • რუსუდან რუხაძე
  • შოთა იათაშვილი
  • ეკატერინე ტოგონიძე
  • ეკა ქევანიშვილი
  • თათია ნადარეიშვილი
  • ია გაბუნია
  • ია მახათაძე
  • თაკო ბაქრაძე
  • ბელა ჩეკურიშვილი
  • ალეკო შუღლაძე
  • თეონა დოლენჯაშვილი
  • არჩილ ქიქოძე
  • თინა მამულაშვილი
  • რატი მუჯირი
  • ელის დოჯსონი
  • ლელა ლაშხი
  • ნინია სადღობელაშვილი
  • ნიკოლოზ ცისკარიშვილი
  • ანდრო დადიანი
  • ზვიად კვარაცხელია
  • ბექა ქურხული
სრულად
გამოკითხვა
ეთანხმებით თუ არა მთავრობის გადადგომის მოთხოვნას?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.