USD 2.9466
EUR 3.2690
RUB 4.6218
თბილისი

ილია მეორე - ჩვენი სოფელი გადაარჩენს ჩვენს ხალხს

სოფლის სამღვდელოება უნდა იყოს მაგალითი სოფლის მეურნეობაში, - ამის შესახებ საქართველოს კათოლიკოს პატრიარქმა ილია მეორემ სამების საკათედრო ტაძარში საკვირაო ქადაგებისას ბრძანა.

როგორც პატრიარქმა აღნიშნა, ჩვენი სოფელი გადაარჩენს ჩვენს ხალხს.

"დღეს ჩვენთან არიან ჩამოსული სხვადასხვა ეპრქიებიდან სამღვდელოება და ასევე ჩამობრძანებული არიან ხელისუფალნი. მე მინდა დავლოცო ეს სამღვდელოება და ეს ხელისუფლება. მინდა გთხოვოთ, ჩვენი სამღვდელოება, სოფლის სამღვდელოება უნდა იყოს მაგალითი სოფლის მეურნეობაში. მე მახსოვს ჩემს ბავშვობაში, სნოდან ვარ, როგორ უფრთხილდებოდნენ მიწის ნაკვეთს, საკარმიდამოს, არ იყო მოცდენილი არცერთი მეტრი მიწისა. ყველა დამუშავებული იყო. კარტოფილი, მწვანილი ითესებოდა, თიბვა იყო. დღეს, როცა უკეთესი პირობები დაგვიდგა აღარ ითიბება, საკარმიდამო არ მუშავდება. მინდა ვთხოვო ჩვენ სამღვდელოებას მაგალითი მიეცით სოფლის მოსახლეობას, დაამუშავეთ საკარმიდამო მიწები. ამით უნდა გავაძლიეროთ სოფელი. ჩვენი სოფელი გადაარჩენს ჩვენს ხალხს. დიდება უფალს და მადლობა უფალს მისი დიდი წყალობისათვის. კიდევ ერთხელ შეგახსენებთ, რომ სოფლის მეურნეობას მიხედოს სამღვდელოებამ. გარდა მიწის დამუშავებისა უნდა იყოლიოთ პირუტყვი, ძროხები, ცხვარი, ქათმები და სხვა. ეს დიდად ამოსწევს ჩვენს სოფელს და სოფელი დაეხმარება ქალაქს. რამდენიმე ხნის შემდეგ მე გავსინჯავ რამდენად შეასრულეთ ეს ლოცვა-კურთხევა. დიდი იმედი მაქვს, მთელი საქართველო ამუშავდება, მთელი საქართველო მიიღებს ამას",- ბრძანა პატრიარქმა.

ამასთან, პატრიარქმა ქადაგებისას საქართველოდან წასულ ემიგრანტებზე ისაუბრა და აღნიშნა, რომ ქვეყანას მათი დახმარება სჭირდება.

"სოფლის მოსახლეობა და ქალაქისა მიდიან საზღვარგარეთ და იქ ემსახურებიან მოხუცებულ ადამიანებს, ეს ცუდი არ არის, მაგრამ რაღა იქ მიდიხართ, აქ უნდა მიხედოთ თქვენს მამულს, მიწას. ხელიდან გვეცლება მიწები. ჩამოდიან უცხოელები და ყიდულობენ სახლებს, სახლდებიან ჩვენს სოფლებში და ქალაქებში. ღმერთმა ინებოს, რომ გამოსწორდეს ეს მადლი. გეძლევათ ლოცვა - კურთხევა მთელ საქართველოში გაავრცელოთ ეს სურვილი და გადავარჩინოთ ჩვენი სოფელი",- ბრძანა პატრიარქმა.

http://sstv.ge/2019/12/08/2019-12-08/

09 DECEMBER / 12:21
42 ათასი ლარი 3.5 თვეში - რა ქონებას ფლობს საპენსიო სააგენტოს დირექტორი

გასული წლის 15 სექტემბრიდან 31 დეკემბრის პერიოდში საპენსიო სააგენტოს დირექტორის ლევან სურგულაძის შემოსავალმა ამ თანამდებობაზე 42 ათასი ლარი შეადგინა.

შეგახსენებთ, რომ საპენსიო სააგენტოს დირექტორად სურგულაძე სწორედ 2018 წლის სექტემბერში დაინიშნა, მანამდე კი საქართველოს რკინიგზაში სამეთვალყურეო საბჭოს წევრი იყო. როგორც 2019 წლის 30 ნოემბერს შევსებულ ქონებრივ დეკლარაციაშია აღნიშნული, 2018 წლის 1-ლი იანვრიდან 20 სექტემბრის პერიოდში რკინიგზაში 45 066,67 ლარის შემოსავალი აქვს მიღებული. ამავე პერიოდში შპს „ კავკასიის ავტოიმპორტის“ მთავარი ფინანსური დირექტორის პოზიციაზე მისი შემოსავალი 295,27 ლარი იყო.

დეკლარაციის მიხედვით, 237 კვადრატული მეტრი ფართობის ბინას თბილისში; 963 კვადრატული მეტრის მიწის ნაკვეთსა და 500 კვადრატული მეტრის საცხოვრებელ სახლს სურამში. ასევე მის საკუთრებაშია 2000 კვ. მეტრი ფართობის მიწის ნაკვეთ 50%-იანი წილი თბილისში, რომელიც 2017 წელს მემკვიდრეობით აქვს მიღებული.

სურგულაძეს ეკუთვის ასევე მსუბუქი ავტომობილი Land Rover, Range Rover HSE, რომელიც 2013 წელს აქვს შეძენილი 34 000 დოლარად.

ქონებრივი დეკლარაციის შევსების მომენტში სურგულაძეს საბანკო ანგარიშებზე ჯამში, 155 164 დოლარი; 2 000 ევრო; 1 727 ლარი; ნაღდი ფულადი თანხის სახით კი, 700 დოლარი და 75 ლარი ჰქონდა. ასევე მის სახელზე ფიქსირდება - 2 127 ლარისა და 14 113,28 საკრედიტო ანგარიში.
წყარო: https://www.bpn.ge/

09 DECEMBER / 12:21
მსოფლიოს ყველაზე ლამაზ დამწერლობას შორის ქართული მე-3 ადგილზეა

მსოფლიოს ხუთ ყველაზე ლამაზ დამწერლობას შორის ქართული მე-3 ადგილზეა. ამის შესახებ გამოცემა matadornetwork.com წერს, სადაც ქართული დამწერლობის შესახებ მკითხველს საინტერესო ინფორმაციას აწვდის.

წარმოგიდგენთ მსოფლიოს 5 ესთეტიურად ყველაზე მიმზიდველ დამწერლობას.

1. ბირმული (მიანმარი) – ბირმული ანბანი მრგვალი ფორმებისაგან შედგება, რომლებიც აუცილებლად საათის ისრის მიმართულებით უნდა მოიხაზოს. მის მომაჯადოებელ ხელწერებს უფრო პრაქტიკული დანიშნულება ჰქონდათ, ვიდრე ესთეტიური: ძველად, წერილები პალმის ფოთოლზე იწერებოდა, რომელიც ადვილად იხვეოდა. მართალია, ბირმული ამ ჩამონათვალში არსებულ სხვა დამწერლობებთან შედარებით, ყველაზე ნაკლებადაა გადაშენების პირას, მაგრამ მის გამოყენებას უფრო და უფრო ანაცვლებს ჰინდი.

2. ცეილონური (შრი ლანკა) – ცეილონური მსოფლიოს ერთ-ერთ ყველაზე მდიდარ ანბანად ითვლება. მას 50-ზე მეტი ფონემა გააჩნია, თუმცა, თანამედროვე მწერლობაში მხოლოდ 38 გამოიყენება. იგი დღესაც ისწავლება ბუდისტურ მონასტრებსა და სკოლებში. ის შრი ლანკას 21 მილიონიანი მოსახლეობის ნახევარზე მეტის მშობლიური ენაა. იგი სავარაუდოდ, კიდევ საკმაოდ დიდხანს გაძლებს.

3. ქართული (საქართველო) – უკანასკნელ საუკუნეში რუსეთის პოლიტიკამ საქართველოს თავდაპირველი ტერიტორიის ნახევარზე მეტის ანექსია მოახდინა. უფრო მეტიც, მუდმივი ზეწოლა მისი ტერიტორიების მისათვისებლად გამოიწვევს იმას, რომ თანდათან უფრო და უფრო ნაკლები კავკასიელი ისაუბრებს ქართულ ენაზე. ქართული ანბანი მეტად დახვეწილია, იგი არაბულსაც წააგავს. მისი ბავშვური სიმარტივე მომრგვალებულ ფორმებში აისახება.

4. ტაგალური (ფილიპინები) – ტაგალური, რომელიც ინდო-ევროპული დამწერლობებიდან მომდინარეობს, ფილიპინებში ესპანელების ჩამოსვლამდე დომინირებდა. კოლონიზაციამ იგი თანდათანობით შეცვალა. თუ ადრე ის ქვემოდან ზემოთ მიმართული იწერებოდა, შემდგომ უკვე მარცხნიდან მარჯვნივ დაიწყეს წერა და ასოები 90 გრადუსით ამოატრიალეს. შემდგომ კი, ფილიპინების ოფიციალურ დამწერლობად ესპანური გამოცხადდა, რამაც, შეიძლება ითქვას, სასიკვდილო დარტყმა მიაყენა ტაგალურს. ტაგალური ჯერ კიდევ არსებობს, თუმცა, ისიც მალე გაიზიარებს იმ 120 ადგილობრივი დიალექტის ბედს, რომელიც თანდათან სრულად მიივიწყა ქვეყნის მოსახლეობამ.

5. ჰანაკარაკა (ინდონეზია) – ჰანაკარაკა თავდაპირველად, ინდონეზიის კუნძულ იავაზე ჩამოყალიბდა. შემდგომ იგი მეზობლად არსებულ კუნძულებზე გავრცელდა. ბეჭდური მედიის პოპულარიზაციასთან ერთად, ხელისუფლებამ მრავალჯერ სცადა ანბანის სტანდარტიზაცია მე-19 და მე-20 საუკუნეებში. თუმცა, ამ მცდელობებს ხელი იაპონიის ოკუპაციამ შეუშალა მეორე მსოფლიო ომის დროს, როცა ჰანაკარაკას გამოყენება აიკრძალა.

რეზონანსი

09 DECEMBER / 12:21
საქსტატი: რძის ნაწარმი 15%-ით გაძვირდა, ხორცი - 13%-ით, პური - 12%-ით, თამბაქო კი - 30%-ით

სტატისტიკის ეროვნულმა სამსახურმა ინფლაციის განახლებული მაჩვენებელი გამოაქვეყნა. დოკუმენტის მიხედვით, 2019 წლის ნოემბერში საქართველოში ფასების საერთო დონე 7%-ით გაიზარდა, რა ზომის ინფლაციაც ქვეყანაში 2017 წლის შემდგომ არ ყოფილა. 

საქსტატის მონაცემებით, ინფლაციის ზრდაზე ყველაზე დიდი გავლენა სურსათისა და უალკოჰოლო სასმელების გაძვირებამ გამოიწვია. ცალკეული სასაქონლო ჯგუფების მიხედვით ფასების მატება ასეთია:

სურსათი და უალკოჰოლო სასმელები: ჯგუფში ფასები გაიზარდა 13.4 პროცენტით, რაც წლიურ ინფლაციაზე 4.02 პროცენტული პუნქტით აისახა. ფასები მომატებულია შემდეგ ქვეჯგუფებზე: ხილი და ყურძენი (30.3 პროცენტი), ბოსტნეული და ბაღჩეული (16.2 პროცენტი), რძე, ყველი და კვერცხი (15.4 პროცენტი), თევზეული (14.5 პროცენტი), ხორცი და ხორცის პროდუქტები (13.1 პროცენტი), პური და პურპროდუქტები (11.9 პროცენტი), შაქარი, ჯემი და სხვა ტკბილეული (11.5 პროცენტი), მინერალური და წყაროს წყალი, უალკოჰოლო სასმელები და ნატურალური წვენები (8.2 პროცენტი), ყავა, ჩაი და კაკაო (3.9 პროცენტი), ზეთი და ცხიმი (2.8 პროცენტი);

ალკოჰოლური სასმელები, თამბაქო: ფასები გაიზარდა 15.4 პროცენტით, რაც 1.03 პროცენტული პუნქტით აისახა წლიური ინფლაციის მთლიან მაჩვენებელზე. ფასები მომატებულია როგორც თამბაქოს ნაწარმზე (29.9 პროცენტი), ისე ალკოჰოლურ სასმელებზე (3.4 პროცენტი);

დასვენება, გართობა და კულტურა: ფასები გაზრდილია 7.0 პროცენტით, შესაბამისად, ჯგუფის წვლილმა წლიურ ინდექსში 0.4 პროცენტული პუნქტი შეადგინა. ფასები გაიზარდა დასვენების, გართობისა და კულტურის ხანგრძლივი მოხმარების სხვა საქონელზე (11.6 პროცენტი), ასევე გასართობ და კულტურულ მომსახურებაზე (1.6 პროცენტი);

ტრანსპორტი: ჯგუფში დაფიქსირდა ფასების 3.1 პროცენტიანი მატება, რაც 0.37 პროცენტული პუნქტით აისახა ინფლაციის მთლიან მაჩვენებელზე. ჯგუფში ფასები გაიზარდა სატრანსპორტო საშუალებების შეძენაზე (9.6 პროცენტი), სატრანსპორტო მომსახურებაზე (3.0 პროცენტი) და პირადი სატრანსპორტო საშუალებების ექსპლუატაციაზე (2.6 პროცენტი);

სასტუმროები, კაფეები და რესტორნები: ფასები მომატებულია 7.4 პროცენტით, რაც 0.32 პროცენტული პუნქტით აისახა მთლიანი ინდექსის ზრდაში. ფასები გაიზარდა საზოგადოებრივ კვებაზე (8.4 პროცენტი) და ღამის გასათევით მომსახურებაზე (1.0 პროცენტი).

bm.ge

09 DECEMBER / 12:21
იოსებ მაკრახიძის ახალგაზრდობის შესახებ წიგნი გამოვიდა
,ტკბილად მოსაგონარი" - ასე ქვია წიგნს, რომელიც მწერალმა ცირა მგალობლიშვილმა ცოტა ხნის წინ გამოსცა. მონოგრაფია 1963 წელს, გორის მეოთხე სკოლის კურსდამთავრებულებს ეხება.

ამ კლასის წევრი იყო იოსებ (სოსო) მაკრახიძე, რომელიც დღეს გორის მაჟორიტარი დეპუტატია.

მაკრახიძე დაიბადა 1945 წლის 2 ნოემბერს, მაშინ როდესაც მეორე მსოფლიო ომი ახალი დამთავრებული იყო. მშობლებმა მას სოსო დაარქვეს. იმ პერიოდში საბჭოთა კავშირს იოსებ (სოსო) სტალინი (ჯუღაშვილი) მართავდა.

წიგნში მოთხრობილია იოსებ მაკრახიძის სასკოლო პერიოდის ცხოვრების შესახებ. ასევე, სტუდენტობის შემდეგ, რუსეთის ქალაქ ვოლოგდაში აშენებული ქარხნის თაობაზე.

დაამთავრა პოლიტექნიკური ინსტიტუტი გზათა მიმოსვლის ინჟინრის სპეციალობით. მუშაობა დაიწყო მე-3 სამშენებლო ტრესტში, შემდეგ იყო ქარელის #32 მოძრავ-მექანიზებული კოლონის უფროსი სამუშაოთა მწარმოებელი.

1975-1978 წლებში ქართველებმა (#3 სამშენებლო ტრესტის წარმომადგენლებმა) რუსეთის ქალაქ ვოლოგდაში ააშენეს ხის დამამუშავებელი ქარხანა. სოსო იქ უფროსი სამუშაოთა მწარმოებელი იყო.

გაზეთი კომუნისტი 1977 წელს წერდა: ,,ამ ახალგაზრდა ინჟინერმა არ იცის, რა არის დაღლა. ყოველ დღე პირველი მოდის კომბინატში და უკანასკნელი ტოვებს მას...არ გვინახავს ხმა აემაღლებინოს, არ გვინახავს განერვიულებული და აწრიალებული, ყოველთვის დინჯია, გულისხმიერი" - ციტატის დასასრული.

მაკრახიძე საქართველოს პარლამენტის წევრია 2016 წლიდან. მან 90-იან წლებში, ყოფილი საბჭოთა წარმოების ბაზაზე, დააფუძნა ასფალტბეტონის წარმოების ქარხანა - ,,იბოლია"; მისმა კომპანიამ წარმატებას ჯერ კიდევ 2000-იან წლებში მიაღწია, როდესაც მსოფლიო ბანკის დაფინანსებით, გორში ახალი გზების დაგება დაიწყო.








წყარო: https://www.qartli.ge/
09 DECEMBER / 12:21