,
კომპანია Samsung-ის გარდაცვლილი მფლობელის ლი გონ ხის ოჯახმა მემკვიდრეობის გადასახადი 10,7 მილიარდი დოლარი უნდა გადაიხადოს. ეს ქვეყნის ისტორიაში ყველაზე მაღალი სამემკვიდრეო გადასახადი იქნება.
ამ დროისთვის უცნობია, როგორ მოხდება მილიარდერის აქციების მემკვიდრეებზე გადანაწილება. მფლობელის შეცვლის თვალსაზრისით ეს კიდევ ერთი მნიშვნელოვანი მომენტია სამხრეთ კორეის ერთ-ერთი უმსხვილესი კონგლომერატისთვის.
ლი გონ ხის ოჯახის განცხადებით ისინი 900 მილიონ დოლარსა და 1,8 მილიარდამდე ღირებულების 23 000 ხელოვნების ნიმუშს ქველმოქმედებისთვის გაიღებენ. მათი თქმით, ეს თანხა ვირუსული ინფექციებისა და ბავშვებში იშვიათი დაავადებების წინააღმდეგ ბრძოლას უნდა მოხმარდეს.
სამხრეთ კორეის ყველაზე მდიდარი ადამიანი, Samsung-ის მფლობელი ლი გონ ხი გასული წლის ოქტომბერში გარდაიცვალა. მას 22,5 მილიარდის ღირებულების ქონება დარჩა. მისი მემკვიდრეები მეუღლე და ორი ქალიშვილი არიან.
ოჯახის განცხადებით მემკვიდრეობის გადასახადს ისინი ნაწილ-ნაწილ გადაიხდიან. თანხის მეექვსედი აპრილში, დანარჩენი კი 5 წლის განმავლობაში დაიფარება.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
