,
ამერიკის შეერთებულმა შტატებმა და კატარმა 1.2 ტრილიონი დოლარის „ეკონომიკური გაცვლის” შეთანხმება გააფორმეს. შესაბამისი ინფორმაცია თეთრმა სახლმა კატარში პრეზიდენტ დონალდ ტრამპის ვიზიტის დასრულების შემდეგ გაავრცელა.
ამასთან, დონალდ ტრამპმა და კატარის ამირამ, შეიხ თამიმ ბინ ჰამად ალ-თანიმ ორ ქვეყანას შორის ორ ქვეყანას შორის ახალ ბიზნეს-გარიგებებზეც ისაუბრეს, რომელთა საერთო მოცულობა 243 მილიარდ დოლარს აჭარბებს.
დოჰაში გამართულ პრესკონფერენციაზე კატარის ამირამ აღნიშნა, რომ აშშ-ის პრეზიდენტს, დონალდ ტრამპს ახლო აღმოსავლეთში მშვიდობის მიღწევა სურს.
დონალდ ტრამპი სამთავრობო დელეგაციასთან ერთად კატარში 14 მაისს, საუდის არაბეთიდან ჩავიდა. მან 13 მაისს საუდის არაბეთში მოლაპარაკება ტახტის მემკვიდრე პრინც მოჰამედ ბინ სალმანთან გამართა.
დღეს აშშ ჯანდაცვის მსოფლიო ორგანიზაციას ოფიციალურად დატოვებს, - ინფორმაციას Reuters-ი ავრცელებს.
ჯანდაცვის მსოფლიო ორგანიზაციის ცნობით, აშშ-ის 2024-2025 წლებში ორგანიზაციაში შესატანი 260 მილიონი დოლარი ჯერჯერობით არ გადაუხდია.
აშშ-ის კანონმდებლობის თანახმად, აშშ-მა ორგანიზაციის დატოვებამდე ყველა გადაუხდელი დავალიანება უნდა დაფაროს.
ჯანდაცვის მსოფლიო ორგანიზაციის წარმომადგენლის განცხადებით, აშშ-ის მიერ ორგანიზაციის დატოვების საკითხს ჯანმოს აღმასრულებელი საბჭო თებერვალში განიხილავს.
შეგახსენებთ, ჯანდაცვის მსოფლიო ორგანიზაციის დატოვების შესახებ აღმასრულებელ ბრძანებას აშშ-ის პრეზიდენტმა, დონალდ ტრამპმა ხელი გასულ წელს, თანამდებობის დაკავების პირველივე დღეს მოაწერა.
