USD 2.8688
EUR 3.0682
RUB 3.2115
თბილისი
ბესიკ ლაგვილავა - საქართველოში ხალხის დიდ ნაწილს არ უნდა კარგი ცხოვრება, რადგან... მას უყვარს მოწყალება!
თარიღი:  1173

მწერალი და ყოფილი პარლამენტარი ბესიკ ლაგვილავა, საკუთარ ფეისბუკის გვერდზე, ხელისუფლების დაპირებებზე, ამ დაპირებების არ შესრულებაზე, კორუფციაზე და მოწყალების მომლოდინე მოქალაქეების შესახებ წერს:

"რა იყო ინგლისის პრემიერ-მინისტრის ბორის ჯონსონის გადადგომის მიზეზი?!

როცა 80-იანების ბოლოს პოლიტიკაში შევაბიჯე, მეც გულუბრყვილო რომანტიკოსი ვიყავი და ვფიქრობდი, რომ "ადამიანებს უნდათ უკეთ ცხოვრება" მაგრამ... ეს ასე არ არის!
საქართველოში ხალხის დიდ ნაწილს არ უნდა კარგი ცხოვრება, რადგან... მას უყვარს მოწყალება! ის სულაც არ სწუხს, რომ მოწყალების მიღება უმეტესად ნიშნავს, რომ... მათხოვარი ხარ! ანუ ხალხს უყვარს მათხოვრობა!
აბა, სხვა რა უნდა დავარქვა, როცა იმ ფაქტს, როცა სოციალურად დაუცველი ოჯახების მონაცემთა ერთიან ბაზაში 700 000-მდე ადამიანი ანუ საქართველოს მოსახლეობის თითქმის 25%-ია რეგისტრირებული და ამ სტატუსის მიღებაზე კიდევ 200 000 ადამიანზე მეტს აქვს განაცხადი შეტანილი?!
გაძლევენ მათხოვრის შესაფერის მოწყალებას და გამადლიან, მეტი რაღა ქნას მთავრობამო! ის ხომ ზრუნავს სულ უფრო და უფრო მეტ ღარიბზე და ზრდის უმწეოთა სიებს და მოწყალების მიმღებ ბენიფიციართა რაოდენობას?!
მე კი გეტყვით, სინამდვილეში კარგი ცხოვრება რომ გსურდეთ, როგორ უნდა მოიქცეთ, !
სასწრაფოდ უნდა გაუშვათ, ან პენსიაზე ან ციხეში... ღარიბებზე სულ უფრო მეტად მზრუნველი ხელსუფლება!
გახსოვდეთ, წესიერ ქვეყანაში სიღარიბე არ უნდა არსებობდეს და მით უმეტეს მოწყალების მიმღებ უმწეოთა რაოდენობა არ უნდა იზრდებოდეს!
700 000-მდე მოწყალების მიმღები ანუ საქართველოს ყოველი მეოთხე აქ დარცენილი მოქალაქე და მაღალ ჩინოვნიკთა ამაყი და კმაყოფილი ღიმილი... ხომ არ გეჩვენებათ, რომ რაღაც აბსურდამდე დასული კონტრასტია?!
როცა "ქართული ოცნება: ხელისუფლებაში მოვიდა, მაშინ მის შეპირებათა პირველ პუნქტში ეწერა: ჩვენ გავხდით საქართველოს მოქალაქეებს უფრო მდიდრებს და მივცემთ მათ უკეთეს ცხოვრებას! ეს იყო პირველი პუნქტი, მაგრამ...
... დიახ, ხელსიუფლება პირველ პუნქტში შეგპირდათ, რომ უზრუნვეყოფდა თქვენს კეთილდრეობას, მაგრამ როცა ამ დაპირებას იძლეოდა, არავის წაუკითხავს და შეუნიშნავს, რომ ამ დაპირებას მოყვებოდა ბანკის ხელშეკრულებასავით წვრილი შრიფტით დაწერილი მეორე პუნქტი, სადაც სულ ერთ... ერთადერთ თაბახის ფურცელზე იყო ჩამოწერილი იმ ადამიანების სია... ვისაც უკეთეს ცხოვრებას პირდებოდნენ და... აუსრულეს კიდეც!
სხვათა შორის, მსგავსი შეპირება არც ადრინდელი ხელისუფლებებისთვის იყო რაღაც უჩვეულო... მათაც ჰქონდათ საკუთარი "ერთგვერდიანი სიები"!
საქართველოს მოსახლეობის 90% სწორედ იმ წვრილი შრიფტით "ერთ გვერდზე" ჩამოწერილი ადამიანების გამდიდრების და უკეთესი ცხოვრების გამო იტანჯება და ტოვებს ქვეყანას!
შემდეგ დგება ფლუსტრაციის პერიოდი და უკვე მერამდენე ხელისუფლების მიერ მოტყუებულ ხალხს აღარ სჯერა ხელისუფლების დაპირებების!
გგონიათ ამით შეშინდება ხელისუფლება?!
თუკი ხალხს აღარ სჯერა ხელისუფლების შეპირებების, მაშინ უნდა შეიცვალოს... გგონიათ ხელისუფლება?! ჰა, ჰა, ჰა... როგორ გამაცინეთ?! უნდა შეიცვალოს ხელისუფლება კი არა, შეპირებები, მეგობრებო! უნდა შეიცვალოს შეპირებები!
ახალი შეპირებები! კეთილდღეობის კონტურების მოხაზვა... 2030 წლისთვის... შემდეგ 2040 წლისთვის!
დამავიწყდა და შემახსენეთ, რის გამო გადადგა ეგ ძალიან ორიგინალური, ნიჭიერი და მამაცი პრემიერ-მინისტრი ბორის ჯონსონი?!
სანამ გაიხსენებთ, იქამდე ერთ ისტორიას მოგიყვებით.
ცხრა წლის განმავლობაში პარლამენტის წევრი ვიყავი და მახსენდება პერიოდი, როცა პარლამენტის ახალი თავმჯდომარის არჩევნები დგებოდა, ერთი კანდიდატის მხარდასაჭერად პარლამენტის დერეფნებში ჩემოდნებით მოარულ ფულზე საუბრობდნენ!
ამბობენ, ერთ ფრაქციასთან სალაპარაკოდ მივიდა ერთი მილიონერი დეპუტატი, რომელიც ახლაც პარლამენტის წევრია და ერთი აწ გარდაცვილი ოლიგარქის სახელით რამდენიმე ათეულ ათას დოლარს დაჰპირდა ამ ფრაქციის თითეულ წევრს, მისთვის და მის გამომგზავნთა სასურველი კანდიდატის მხრადაჭერის სანაცვლოდ!
ამ საუბარს ამ ფრაქციის ერთი ენამოსწრებული წევრი დეპუტატიც ესწრებოდა და მან მიამიტი სახით დასვა კითხვა - "ამ თანხას წინასწარ იხდით თუ "პოსლეზეო".
"როგორც კი კენჭისყრა მორჩება - მაშინვეო" - დაჰპირდა "მომხიბლავი" წინადადებით მოსული კოლეგა.
- ეეე... - გაიცინა ენამოსწრებულმა დეპუტატმა, - თქვენ გინდათ ასე მარტივად გადააგდოთ ხალხი, რომელიც ამ პარლამენტში იმიტომ მოხვდა, რომ 5 მილიონი ადამიანი (ამომრჩეველი) ყავდა გადაგდებულიო?!
მილიონერი დეპუტატი, რომელიც მაშინაც დეპუტატი იყო და ახლაც არის, კუდამოძუებული გავიდა! გარიგება ჩავარდა!
ნუთუ ვერავინ გაიხსენეთ ბორის ჯონსონის გადადგომის მიზეზი?! ქალის ბარძაყისკენ ხომ არ გაექცა უსანქციოდ ხელი? ან იქნებ ქრთამზე დაიჭირეს?! არა? აბა, გამახსენეთ რა იყო გადადგომის მიზეზი?!
ერთი ანეკდოტისა არ იყოს, საქართველოში ყველა ხელისუფლებას განსახილველად შემოჰქონდა კანონპროექტი სადაც პირველი მოსმენისთვის ეწერა, რომ:
პირველი მოსმენაზე შემოსული კანონპროექტი : ხალხმა უნდა იცხოვროს კარგად.
მეორე მოსმენით მიღებული: ხალხმა უნდა იცხოვროს;
მესამე მოსმენა: ხალხმა უნდა...
პარლამენტის სპიკერის ჩაქუჩის დარტყმა და სიტყვები - კანონი მიღებულია ცვლილებებით, სამი მოსმენით.
ხალხის კეთილდღეობა კიდევ ერთხელ გადაიდო და გადაიდება... გადაიდება მანამ სანამ ხალხი არ მიხვდება...
რას?!
კაცო, გამახსენეთ, რატომ გადადგა პრემიერი ჯონსონი?!
ერთმა ემიგრანტმა, ყოფილმა არც ისე დაბალი ჩინის სამართალდამცავმა, როცა სამსახური მიატოვა, სანამ საქართველოდან წავიდოდა, მითხრა სიტყვები, რომელმაც ძალიან დამაფიქრა, - "დავიღალე! საქართველო ის ქვეყანაა, სადაც როგორც კი საქმე ჩემი ცხოვრების გაუმჯობესებზე მიდგება, მთავრობას არასდროს ყოფნის ბიუჯეტიო, - შემდეგ კი დაამატა, - აქ (იგულისხმა საქართველო) ვინც ხელისუფლებით კმაყოფილია, ან საქმის კურსში არ არის ან... წილშიაო!"
მას მერე აღარ მინახავს! ამბობენ ამერიკაშია და ტაქსისტად მუშაობსო!
ვინმემ ხომ არ გაიხსენეთ, რატომ გადადგა ინგლისის პრემიერობიდან ბორის ჯონსონი?!
ჩვენთან თუ ხელისუფლებას ატყუებ, ამას არ გაპატიებენ - ეს დანაშაულია. თუ ხელისუფლება მოგატყუებთ, დაგპირდებათ და ჩვეულებისამებრ არ შეასრულებს და როცა საქმე თქვენ და თქვენს საჭიროებებს კი არა, თუნდაც თქვენი უსაფრთხოების ელემენტარულ ღონისძიებეებს ეხება , არასდროს ყოფნის ფული - ეს პოლიტიკაა! დიახ, ხელისუფლების ტყუილს ჩვენთან პოლიტიკა ქვია!
... და ტრაბახობენ! და გულში დაგცინიან! და ამას არც დანაშაულს და არც ტყუილს და ცრუპენტელობას არ ეძახიან, ამას წარმატებული პოლიტიკური მღვაწეობა ქვია და რადგან ასეა.. და სანამ ასეა... კიდევ ერთხელ, მორიგ ჯერზე მოგატყუებენ!
როცა საქმე თქვენ შეგეხებათ არასდროს იქნება ბიუჯეტში ფული, მაგრამ როცა საქმე იმ ერთ თაბახის ფურცელზე ჩამოწერილ ადამიანებისთვის მანქანების, მობილირების გამოცვლას, ოფისების რემონტს და მათი კეთილდღეობის მოწყობას შეეხება ბიუჯეტი ვერასდროს იგრძნობს ამისთვის საჭირო ფულის ნაკლებობას!
სხვათა შორის, ეს სტატუსი მოწყალებით დავიწყე!
ხელისუფლებას არასდროს ექნება ფული თქვენი კეთილდღეობის მოსაწყობად, მაგრამ ყოველთვის ექნება ხურდა ფული მოწყალებისთვის, რადგან... სამწუხარო ფაქტია, რომ ხალხს არ უნდა კარგი ცხოვრება ან არ იცის ასეთი ცხოვრების ფასი... მან მოწყალება არჩია!
აბა, სხვაგვარად როგორ უნდა გავიგოთ 700 000 -მდე მოწყალების მიმღები და კიდევ 200 000 ამ დახმარების მირების რიგში მყოფი?! ისიც იცოდეთ, რომ იმ ერთ გვერდზე ჩამოწერილ მოქალაქეთა ინგლისის სამეფო კარის სადარი კეთილდღეობა და დღესასწაულები, სწორედ ამ უმწეო 700 000-ის და ამას დამატებული ორი მილიონის კეთილდღეობის სანაცვლოდ მიიღწევა!
და მაინც რატომ გადადგა ინგლისის პრემიერი ჯონსონი?! ბასეინიანი სახლი ხომ არ აუშენებია, "სიდედრის ნაჩუქარი" ფულით?! შვებულებისას ამერიკაში ხომ არ წასულა დასასვენებლად, ინგლისის სამხედრო ფლოტის კუთვნილი ხომალდით?!....
აა... სანამ თქვენ გაიხსნებდით გამახსენდა.... კოვიდის პანდემიის დროს დაწესებული ლოკდაუნისას ის დააჯარიმეს ღამის კლუბში საღამოს გამართულ ღონისძიებაში მონაწილოების გამო! მასთან ერთად გადადგა მისი კაბინეტის 52 წევრი...
რამ გამახსენა?! მაინც რამ გამახსენა?!
700 000-მდე უმწეომ რომელიც მოწყალებას იღებს და კიდევ 2 მილიონზე მეტმა, რომელმაც არ იცის... რა არ იცის და არ იცის რას ქვია კარგი ცხოვრება; არც ის რომ "კარგი ცხოვრება" ადამიანის უფლებაა და ხელისუფლების მოვალეობა!
P.S. თითქოს თემას არ ეხება, მაგრამ იცით, რა დაავადებით არის დაავადებული სოც.ქსელიის მომხმარებელთა ერთი ნაწილი? ეს 21 საუკუნის სოც.ქსელებში ხშირი ყოფნით გამოწვეული დაავადებაა. მას თავის ტვინის ფიმოზს ((Phimosis of the Brain) ეძახიან! ფაქტიურად ეს დაავადება ჩვეულებრივ ცხოვრებაში უბირობის ტოლფასია...
როცა საქართველოში ტროლების, ბოტების და მათი მთელი ფაბრიკების საქმიანობას ვადევნებ თვალს, რომელიც ხანდახან შემოგივარდებიან ხოლმე ფბ-გვერდზე ან "აპრავებენ" რაღაც უგვანობას ან რომელთა საფულეშიც ხურდა ფული ჩხრიალებს, ვიღაც მაღალი ჩინოსნის გვერდზე გამოქვეყნებული სტატუსის ქვეშ გაკეთებული კომენტარებისას "ღირსეულო და საამაყო..." "მუდამ მართალო..", "გფარავეს უფალი..." "ყოჩაღ"... ვხვდები, რომ ხალხის დიდ ნაწილს არ სურს კარგი ცხოვრება; ხალხი კმაყოფილია იმ ხურდებით, რაც მათ საფულეში მსგავსი კომენტარების გამო იწყებს ჩხრიალს და იმ მოწყალებით, რომელიც უმწეობის გამო გაიცემა...
იმისთვის კი, რომ კარგად ვიცხოვროთ, პირველ რიგში საზოგადეობას უნდა ესმოდეს რას ნიშნავს კარგი ცხოვრება... იქნებ ეს მართლა უმწეოთა შემწეობაა ან ძლიერთა ამა ქვეყნისათა გამონაყოფი გაზებით გაფუჭებულ და ამყრალებულ ჰაერზე ტრაბზონში წარმოებული AXE-ს ყველაზე იაფფასიანი დეზოდორანტის მოფრქვევა?!"
მიყევით ბმულს - ბესიკ ლაგვილავა
მსოფლიო
შვეიცარიაში მშვიდობის გლობალურ სამიტში100 ქვეყანა მიიღებს მონაწილეობას, მათ შორის სახელმწიფოსა და მთავრობის 57 მეთაური

შვეიცარიაში მშვიდობის გლობალურ სამიტში 100 ქვეყანა მიიღებს მონაწილეობას, მათ შორის სახელმწიფოსა და მთავრობის 57 მეთაური. ინფორმაციას ამის შესახებ შვეიცარიის ფედერალური საბჭო ავრცელებს.

კიდევ 29 ქვეყანა მინისტრების - ძირითადად საგარეო უწყებების ხელმძღვანელების - დონეზე იქნება წარმოდგენილი. 6 ქვეყანა ელჩებს გააგზავნის: ინდონეზია, ისრაელი, არაბთა გაერთიანებული საამიროები, სამხრეთ აფრიკა, ფილიპინები და ბრაზილია.

ბრაზილია და ვატიკანი დამკვირვებლების და არა სამიტის მონაწილე სტატუსში იქნებიან. როგორც მოსალოდნელი იყო, ჩინეთის დელეგაცია სამიტს არ დაესწრება.

საერთაშორისო ორგანიზაციებიდან შვეიცარიაში წარმოდგენილი იქნებიან ევროპის საბჭო, ევროპის უშიშროებისა და თანამშრომლობის ორგანიზაცია (ეუთო), ამერიკის სახელმწიფოთა ორგანიზაცია, ევროკავშირის ყველა საკვანძო ინსტიტუტი (ევროპული საბჭო, ევროკომისია, ევროპარლამენტი). გაერო და მსოფლიო საპატრიარქო დამკვირვებლების სტატუსით იქნებიან.

„ამ სამიტის ორგანიზებით შვეიცარია უზრუნველყოფს დისკუსიის პლატფორმას, სადაც ყველა დამსწრე სახელმწიფოს შეუძლია თავისი იდეები და ხედვები წარმოადგინოს უკრაინაში სამართლიანი და ხანგრძლივი მშვიდობისთვის. [...] 100 სახელმწიფოსა და ორგანიზაციის მონაწილეობა მთელი მსოფლიოდან ამ პროცესის კარგი საწყისი წერტილია“, - ნათქვამია განცხადებაში.

მშვიდობის გლობალური სამიტი შვეიცარიაში 15-16 ივნისს გაიმართება.

 

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.