USD 3.1179
EUR 3.6532
RUB 4.2872
თბილისი
რას გვპირდებიან ვარსკვლავები 10 სექტემბერს
თარიღი : 09.10.2021 10:36  256

ვერძი

10 სექტემბერი თქვენთვის ერთ-ერთი ყველაზე ხელსაყრელი დღეა. ამ დღეს გაიზრდება ორგანიზაციული უნარები,  ხიბლი და სექსუალობა. შესაძლებელი გახდება გეგმებისა და იდეების განხორციელება. საპირისპირო სქესის წარმომადგენლებთან ურთიერთობა დღეს ძალიან ნაყოფიერი იქნება. თვალყური ადევნეთ თქვენი და ახლობლების ჯანმრთელობას.

კურო

 

ამ დღეს ყურადღების ცენტრში იქნებით. ყველაზე ძლიერი და ამბიციური სურვილების განხორციელება გელით. კარგი პერიოდია კომერციული კავშირების, პირადი ურთიერთობების გასავითარებლად. უნდა ელოდოთ ბიზნეს წინადადებებს. თქვენ მიაღწევთ ფინანსურ წარმატებას პარტნიორების ან გავლენიანი მფარველების დახმარებით. შესანიშნავი დროა საპირისპირო სქესთან კომუნიკაციისთვის. ჰარმონიული ურთიერთობის ალბათობა ძალიან მაღალია.

ტყუპები

დღეს თქვენი ბიზნეს საქმიანობა შედეგს მოიტანს, თუმცა ეს მცირე გავლენას მოახდენს თქვენს ფინანსურ კეთილდღეობაზე.  პროფესიულ საქმიანობაში წარმატება გელით, რაც დადებითად იმოქმედებს თქვენს თანამდებობაზე და ავტორიტეტზე.

კირჩხიბი

ახალი იდეების წყალობით, ახალი მოკავშირეების გაჩენის ალბათობა იზრდება. ბიზნეს შეხვედრები და მოლაპარაკებები წარმატებით ჩაივლის. ვარსკვლავები თქვენგან მოითხოვენ მაქსიმალურ კონცენტრაციას, დისციპლინას და ორგანიზებას. საუკეთესო დღეა  ძველი შეცდომების გამოსასწორებლად. 

ლომი

ყოველდღიურ საკითხებში გადაჭარბებულმა გულუბრყვილობამ შეიძლება სამსახურში შეცდომებამდე მიგიყვანოთ, ან მიზნისკენ მიმავალ გზაზე დაბრკოლებები შექმნას. ვარსკვლავები გვირჩევენ ფრთხილად იყოთ პარტნიორებთან და არ ენდოთ უცხო ადამიანების აზრს. წარმატების გასაღები არის საიმედო პარტნიორებთან ურთიერთობა და სარისკო საქმიანობებზე უარის თქმა.

ქალწული

ხელსაყრელი დღე ახალი ბიზნესის წამოწყებისთვის, გრძელვადიანი გეგმების განსახორციელებლად, პარტნიორებთან შეხვედრებისა და კონტაქტებისთვის. ეს განსაკუთრებით ქალწულ ბიზნესმენებს ეხება. ნებისმიერი წამოწყება მოგვიანებით კარგ შედეგს მოიტანს. ასევე ხელსაყრელი დღეა პირად ცხოვრებაში სიახლეებისათვის. გახსოვდეთ, თქვენს სიტყვებსა და მოქმედებებზე კარგად უნდა დაფიქრდეთ.

სასწორი

 ენთუზიაზმი და ოპტიმიზმი დაგეხმარებათ იპოვოთ ახალი მოკავშირეები ან მფარველები, რომელთა დახმარება დადებითად იმოქმედებს თქვენს საქმეებზე. ხელსაყრელი დღეა ფიზიკური აქტივობისთვის, ოჯახური ურთიერთობებისთვის, ასევე ჯანმრთელობის პრობლემების მოსაგვარებლად. არ არის გამორიცხული კარიერული კიბის მაღალ საფეხურზე ასვლა. ეცადეთ, ამ დღეს ალკოჰოლს მოერიდოთ.

მორიელი

ხელსაყრელი დღეა პოზიტიური  ცვლილებებისთვის. თქვენი კომუნიკაბელურობა დაგეხმარებათ მაღალი მიზნების მიღწევაში. ამასთან, ნუ დაისახავთ გლობალურ მიზნებს: რთული საქმეების გადაწყვეტა  ერთ დღეში შეუძლებელია. 

მშვილდოსანი

დღე შეიძლება მძიმე იყოს. ბიზნეს სექტორში დასაქმებული მშვილდოსნებისთვის ეს დღე კიდევ უფრო მძიმედ ჩაივლის. თუმცა, ეცადეთ პოზიტივი შეინარჩუნოთ. საუკეთესო დღეა რათა ძველ ნაცნობებთან ურთიერთობებს დაუფიქრდეთ და მათზე წყენა გადახარშოთ.

თხის რქა

ვარსკვლავები  დიდი ხნის სურვილის ან გეგმის განხორციელებას გპირდებიან. არ არის გამორიცხული გავლენიანი ნაცნობების გაჩენა, რომლებიც დახმარებას გაგიწევენ და თქვენს მიზნებს ხორცს შეასხამენ. თუმცა, წინ კიდევ ბევრი დაბრკოლება გელით. დღე ხელსაყრელია კომუნიკაციისთვის, ახალი ნაცნობების შესაძენად და  ყოველდღიური პრობლემების გადასაჭრელად.

მერწყული

დღის პირველი ნახევარი ხელსაყრელია მნიშვნელოვანი საკითხების გადასაჭრელად, საპასუხისმგებლო გადაწყვეტილებების მისაღებად. მსხვილი შენაძენები ან კომერციული გარიგებები მომგებიანი იქნება.

თევზები

თევზებს საინტერესო შეხვედრები ელით, განსაკუთრებით ქალებს. თევზები მამაკაცები უნდა იყვნენ მომთმენი და ტაქტიანი. შესაძლებელია საყვარელ ადამიანთან ურთიერთობის დაძაბვა. ყველაფერი თქვენს დიპლომატიურ უნარებზეა დამოკიდებული.

ბიზნესი
საქართველოში შიდა ტურიზმი გაორმაგდა

საქსტატის მიერ დღეს გამოქვეყნებული ანგარიშის თანახმად, 2021 წლის მეორე კვარტალში ქვეყანაში შიდა ტურიზმის მოცულობა გაორმაგდა. სტატისტიკის თანახმად, 15 წლის და უფროსი ასაკის ვიზიტორების მიერ განხორციელებული ვიზიტების რაოდენობა 1,415,000 იყო, რაც წინა წელთან შედარებით 109%-ით მეტია. 

საქსტატის ანგარიშის მიხედვით, განხორციელებულ ვიზიტებს შორის ტურისტული ვიზიტი (ვიზიტი, რომლის დროსაც ვიზიტორი 1 ღამით მაინც დარჩა ვიზიტის ადგილზე) 654,500 იყო, რაც წინა წელთან შედარებით 112%-ით მეტია. დანარჩენი ვიზიტები კი ექსკურსიულ ხასიათს ატარებდა, რა დროსაც ვიზიტორები ვიზიტის ადგილზე 1 დღეზე ნაკლები დროით დარჩნენ. 

გამოკვლევის შედეგების მიხედვით, ვიზიტორების 44.1 პროცენტი ქ. თბილისის მაცხოვრებელია, 11.6 პროცენტი მოდის იმერეთის, რაჭა-ლეჩხუმისა და ქვემო სვანეთის რეგიონზე, 11.2 პროცენტი - ქვემო ქართლის რეგიონზე, ხოლო დანარჩენი რეგიონები სტრუქტურაში შედარებით დაბალი წილით არის წარმოდგენილი.

2021 წლის მეორე კვარტალში ვიზიტების უმრავლესობა (47.0 პროცენტი) განხორციელდა მეგობრების/ნათესავების მონახულების მიზნით.

მიზნობრიობის მიხედვით, ვიზიტები ასე ნაწილდება:

მეგობრების/ნათესავების მონახულება - 47%;
მეორე სახლის მონახულება (აგარაკი და სხვა) - 17.5%;
შოპინგი - 14.1%;
მკურნალობა, გაჯანსაღება - 7.8%;
დასვენება, გართობა, რეკრეაცია - 7%;
პროფესიული/ეკონომიკური საქმიანობა - 3.1%;
რელიგია/მომლოცველობა - 1.6%;
განათლების მიღება - 0.1%;
სხვა - 1.8%.

ყველაზე მეტი ვიზიტი განხორციელდა ქ. თბილისში (საშუალოდ 316.2 ათასი ვიზიტი თვეში) და იმერეთის რეგიონში (საშუალოდ 253.9 ათასი ვიზიტი თვეში).

2021 წლის მეორე კვარტალში განხორციელებული ვიზიტებისას გაწეული საშუალო თვიური ხარჯების მოცულობა განისაზღვრა 203.4 მილიონი ლარით. აღნიშნული მაჩვენებელი 128.1 პროცენტით მეტია გასული წლის შესაბამისი პერიოდის მაჩვენებელთან შედარებით. ამასთან, ვიზიტზე გაწეული საშუალო ხარჯი გაზრდილია 8.9 პროცენტით და 143.7 ლარს უტოლდება.

სრულად
გამოკითხვა
თქვენი აზრით ხელისუფლება კარგად მართავს კოვიდ სიტუაციას თუ არა?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.