USD 3.1210
EUR 3.5302
RUB 4.2381
თბილისი
ყველაზე პოპულარული ენები მსოფლიოში
თარიღი : 09.09.2021 10:07  609

COVID 19-ის პირველი ლოქდაუნის შემდეგ, ხალხმა ნელ-ნელა ახალი ჰობი შეიძინა და აღმოჩნდა, რომ უცხო ენების შესწავლა მათი ყველაზე ხშირი არჩევანია. Visual Capitalist-ის მიხედვით, იაპონური ყველაზე პოპულარული ენაა, რომლის სწავლაც ამერიკელებს და კანადელებს სურთ. შეიძლება გასაკვირი იყოს, მაგრამ 1990-იანი წლების დასაწყისიდან ჩრდილოეთ ამერიკელები იაპონურ პოპ-კულტურას თაყვანს სცემენ. ბოლო დროს კი დასავლელების მოთხოვნამ ანიმეების მიმართ წლის განმავლობაში 33%-ით მოიმატა და ალბათ ამანაც განაპირობა ენის მიმართ გაზრდილი ინტერესი.

კიდევ ერთი ქვეყანა - ბელიზია, სადაც ყველაზე მეტმა ადამიანმა ჩინური ენის შესწავლა გადაწყვიტა. 2000 წლის აღწერის შედეგად, აღმოჩნდა, რომ ქვეყნის მოსახლეობის 1% ჩინელია. ჩინელების იმიგრაცია ბელიზში 1800-იანი წლების შუა პერიოდში დაიწყო, როდესაც ჩინელები ქვეყანაში სამუშაოდ ჩავიდნენ. სულ ახლახან კი ტაივანელი მიგრანტებიც დასახლდნენ ბელიზში და ბიზნეს საქმიანობებიც წამოიწყეს.

ამასობაში, სამხრეთ ამერიკაში - პერუსა და ჩილეში - კორეული ენის სწავლის დიდი ინტერესი გამოიკვეთა. ენის მიმართ ასეთი ინტერესი ქვეყანაში აჩვენებს, როგორ შეუძლია მედიას და ხელოვნებას ენების გავრცელებას შეუწყოს ხელი - ზოგჯერ სრულიად მოულოდნელადაც კი!

 

გასაკვირი არაა, რომ ინგლისური ევროპაში ყველაზე პოპულარული ენაა - კონტინენტის 34 ქვეყნის მოსახლეობის უმეტესობა ინგლისურ ენას ფლობს. მაგრამ მცირედი განსხვავებებიც არსებობს - მაგალითად, დანიაში ყველაზე მეტად გერმანულს სწავლობენ. უფრო მეტიც, დანიის სამხრეთით პატარა რეგიონში გერმანული უმცირესობების ოფიციალური ენაა. ამ ტერიტორიაზე 20 ათასი ეთნიკური გერმანელი ცხოვრობს, მათგან 8 ათასისთვის კი გერმანული მშობლიური ენაა.

გაერთიანებულ სამეფოში ესპანური პირველ ადგილზეა. საინტერესო ასევე ისაა, რომ ესპანური თავად ესპანელებისთვისაც ყველაზე პოპულარული ენაა, ცხადია, სწავლის თვალსაზრისით. შესაძლოა, ეს იმიტომ, რომ ესპანეთში ბრიტანელი მიგრანტების მაღალი მაჩვენებელია. "ბიბისის" მიხედვით, დღეს ესპანეთში 300 ათასი ბრიტანელი მიგრანტი ცხოვრობს.

და ბოლოს, მსოფლიო მასშტაბით ყველაზე პოპულარული ენებია:

ინგლისური - საუბრობს 1,132 მილიარდი ადამიანი
ჩინური - საუბრობს 1,117 მილიარდი ადამიანი
ჰინდი - საუბრობს 615 მილიონი ადამიანი
ესპანური - საუბრობს 534 მილიონი ადამიანი
ფრანგული - საუბრობს 280 მილიონი ადამიანი
არაბული - საუბრობს 274 მილიონი ადამიანი
ბენგალური - საუბრობს 265 მილიონი ადამიანი
რუსული - საუბრობს 258 მილიონი ადამიანი
პორტუგალიური - საუბრობს 234 მილიონი ადამიანი
ინდონეზიური - საუბრობს 199 მილიონი ადამიანი.

bm.ge

ბიზნესი
“გრატოს სათბურებმა” თბილისში პირველი მაღაზია გახსნა

"გრატოს სათბურებმა" თბილისში, კოსტავას #37-ში,  “გრატო პასაჟში” გაყიდვების პუნქტი გახსნა, სადაც მომხმარებელი კომპანიის სათბურებში მოყვანილი სხვადასხვა მცენარის, მათ შორის შობის ვარსკვლავისა და შიდა ინტერიერის ყვავილების შეძენას შეძლებს. 

როგორც კომპანიის გენერალური მენეჯერი სოფო ჯორბანიძე bm.ge-სთან აცხადებს, ეს “გრატოს სათბურების” პირველი მაღაზიაა. 

“ეს ჩვენი გაყიდვების პირველი ობიექტია, სადაც ჩვენ სათბურებში მოყვანილი მცენარეებია წარმოდგენილი, მათ შორის შობის ვარსკვლავი, რომელსაც საქართველოში მხოლოდ “გრატოს სათბურები” აწარმოებს; რაც შეეხება მაღაზიაში წარმოდგენილი მცენარეების ფასებს, ის 10 ლარიდან იწყება”, - აღნიშნავს სოფო ჯორბანიძე. 

 “გრატოს სათბურები”, რომელიც 15 ადამიანს ასაქმებს, 60-ზე მეტი სახეობის მცენარის მოყვანით არის დაკავებული. გარდა სათბურისა, კომპანიამ, დაახლოებით, 1 წელია, რაც სანერგე მეურნეობაც გააშენა. 

 

სრულად
გამოკითხვა
თქვენი აზრით ხელისუფლება კარგად მართავს კოვიდ სიტუაციას თუ არა?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.