თბილისში მცირე და საშუალო პროექტებზე წელს 400 მლნ ლარი დაიხარჯება
30 იანვრის მთავრობის სხდომაზე თბილისის მერმა კახა კალაძემ პირობა დადო, რომ ყველა შესრულებული სამუშაო ხარისხიანად ჩატარდება.

„გუშინ წარმოდგენილი პროექტები იყო მხოლოდ ის მსხვილი პროექტები, რომელსაც დედაქალაქის მერიის ინფრასტრუქტურის საქალაქო სამსახური განახორციელებს, ხოლო მცირე და საშუალო პროექტებს განახორციელებს გამგეობები. ყველა რაიონს აქვს საკმაოდ მასშტაბური გეგმები, რაც ჩენს ქალაქს დაეტყობა. ბევრი ქუჩა მოწესრიგდება, ბევრი ახალი სკვერი გაკეთდება, ძველის რეაბილიტაცია მოხდება. ჯამში ამ პროექტებისთვის 400 მლნ ლარზე მეტი დაიხარჯება. მათი ძირითადი სამუშაოები სრულდება წელსვე, ნაწილი კი 2020 წლისთვის იქნება მზად.

რასაც ვპირდებით მოსახლეობას არის ის, რომ ყველა სამუშაო იქნება ხარისხიანად ჩატარებული, რათა გაუძლოს დროს და დატვირთვას. სადაც შევდივართ ყველგან გვინდა ფუნდემანტალურად გავაკეთოთ ყველაფერი დაწყებული მიწისქვეშა კომუნიკაციებით, დამთავრებული განათებებით“ - განაცხადა კალაძემ.

წყარო: bm.ge
FaceBook Twitter Google