,
2024 წლის 7 თვეში თბილისში 22 ათასზე მეტი ბინა გაიყიდა - ამის შესახებ საინვესტიციო ბანკ Galt & Taggart-ის თბილისის საცხოვრებელი უძრავი ქონების ბაზრის მიმოხილვაშია საუბარი.
ჯამში 2024 წლის იანვარ-ივლისის პერიოდში 1 708 500 000 აშშ დოლარის ღირებულების ბინები გაიყიდა, რაც წლიურ ჭრილში 1.9%-იანი ზრდაა.
კვლევის ანგარიშის თანახმად, 7 თვეში იმაზე 3.2%-ით ნაკლები ბინა გაიყიდა, ვიდრე 2023 წლის ანალოგიურ პერიოდში, შემცირება კი მეორად (ინდივიდუალური მესაკუთრის მიერ გაყიდული უძრავი ქონება) ბაზარზე გაყიდვების კლებით იყო განპირობებული, პირველად ბაზარზე კი პირიქით - 1.1%-იანი ზრდა დაფიქსირდა.
იანვარ-ივლისის პერიოდში ყველაზე მეტი ბინა დიდ დიღომში გაიყიდა, ყველაზე ნაკლები კი - მთაწმინდის რაიონში. ამასთან, ღირებულების მიხედვით, ყველაზე მაღალი მაჩვენებელი საბურთალოს აქვს, ყველაზე დაბალი კი - ვაშლიჯვარს.
2024 წლის 7 თვეში გაყიდული ბინების ღირებულება და ფართობი თბილისის უბნების მიხედვით, ასე გამოიყურება:
ფინანსთა სამინისტროს შემოსავლების სამსახური საზოგადოებას შეახსენებს, რომ მიმდინარე წლის 1 ნოემბერს იწურება საქართველოს საგადასახადო კოდექსით განსაზღვრული, ფიზიკური პირის ქონების გადასახადის წლიური დეკლარაციის წარდგენის ვადა.
„ქონების გადასახადის (მათ შორის მიწის) გადამხდელი ფიზიკური პირები ვალდებული არიან, წარმოადგინონ ფიზიკური პირის ქონების გადასახადის 2025 წლის წლიური (2024 წელს მიღებული შემოსავლების მიხედვით) დეკლარაცია არა უგვიანეს, მიმდინარე წლის 1 ნოემბრისა და გადაიხადონ კუთვნილი გადასახადი არა უგვიანეს 15 ნოემბრისა.
დამატებითი ინფორმაციის მისაღებად გთხოვთ, იხილოთ ბმულები:
https://rs.ge/PersonsTaxFAQ?cat=5&tab=1
https://rs.ge/LawNewsArchive?newsId=1589
ვიდეო ინსტრუქცია:
https://www.youtube.com/watch?v=9iMXptuh5ro
სასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ციფრული სერვისებით - “RS ჩათი“ და “RS ბოტი“ ან დაუკავშირდეთ საკონსულტაციო სატელეფონო ცენტრს 2 299 299
საერთო ჯამში 250 ათასზე მეტ ფიზიკურ პირს, დეკლარაციის წარდგენის ვადის შესახებ, საინფორმაციო ხასიათის მოკლე ტექსტური შეტყობინება გაეგზავნება შემოსავლების სამსახურის ელექტრონულ სისტემაში რეგისტრირებულ მობილურ ნომრებზე", - ნათქვამია შემოსავლების სამსახურის მიერ გავრცელებულ ინფორმაციაში.
