ამერიკულმა წამყვანმა ტექნოლოგიურმა სტარტაპმა OpenAI-მ მათი ხელოვნური ინტელექტის ეფექტურობის შესახებ კვლევა ჩაატარა. გავრცელებული ინფორმაციით, საუბარია 100 კომპანიის 9000-ზე მეტ თანამშრომელზე, რომელთაც ჰკითხეს, თუ რამდენად ეხმარებოდათ ChatGPT ყოველდღიურ საქმიანობაში. დადგინდა, რომ კომპანიის ხელოვნური ინტელექტის მოდელი და სხვა მოწყობილობები სამუშაოს მნიშვნელოვნად ამარტივებს და დასაქმებულებს დღის განმავლობაში 1 საათს აზოგინებს. დროს, რომლის დახარჯვაც თავად მოუწევდათ, რომ არა ChatGPT. როგორც OpenAI-ში აცხადებენ, ძირითადი მიმართულებები, რა კუთხითაც მათი პროდუქტი დასაქმებულებს საქმიანობას უმარტივებს, მომხმარებლებთან კომუნიკაცია, ფინანსური დაანგარიშება და მონაცემთა დამუშავებაა.

სემ ოლტმენის სტარტაპში ამტკიცებენ, რომ გამოკითხულთა 75%-ს ხელოვნური ინტელექტის მათმა ხელსაწყოებმა საქმის შესრულება 75%-ით გაუმარტივა და ეს ხარისხზე უარყოფითად არ ასახულა. OpenAI-ში კიდევ ერთ საინტერესო დეტალზე ამახვილებენ ყურადღებას. გამოკითხულთა გარკვეულ ნაწილს აღუნიშნავს, რომ ChatGPT-ს დახმარებით ისეთი დავალებების შესრულება შეძლეს, რომლებიც აქამდე არასდროს გამოსდიოდათ.

ჩატარებული კვლევის გამოქვეყნების პარალელურად, OpenAI-ში აღნიშნავენ, რომ სტარტაპი განვითარებას განაგრძობს და დროთა განმავლობაში ის კიდევ უფრო მეტად იზრუნებს დასაქმებულთა შესაძლებლობების გაუმჯობესებასა და მათთვის საქმის გამარტივებაზე.