,
აშშ-ის პრეზიდენტი, დონალდ ტრამპი თავის სოციალურ ქსელში ჰორმუზის სრუტის დაკეტვას კიდევ ერთხელ გამოეხმაურა და აღნიშნა, რომ ამის გამო ირანი ფინანსურად ინგრევა, რადგან ნავთობის რეალიზებას ვერ ახერხებს.
„ირანი ფინანსურად ინგრევა. მათ ჰორმუზის სრუტის დაუყოვნებლივ გახსნა სურთ. ისინი ფულის უკმარისობას განიცდიან. დღეში 500 მილიონ დოლარს კარგავენ. სამხედროები და პოლიციელები ხელფასის გადაუხდელობას ჩივიან“, - დაწერა ტრამპმა.
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
