,
აშშ აწესებს ახალ ზომებს იმ ვიზიტორებისთვის, რომლებსაც ქვეყნის ტერიტორიაზე შესვლა სურთ, კერძოდ, აუცილებელია ბოლო ათი წლის განმავლობაში გამოყენებული ელექტრონული ფოსტის მისამართებისა და ბოლო ხუთი წლის სოციალური ქსელების ანგარიშების მონაცემების წარდგენა. ინფორმაციას ამის შესახებ ფრანგული ტელეარხი BFMTV ავრცელებს.
აშშ-ში შესასვლელად, 2026 წლის 8 თებერვლიდან, აღარ არის საკმარისი მხოლოდ ESTA-ს (მოგზაურობის ავტორიზაციის ელექტრონული სისტემა) გაფორმება. ამიერიდან, ასევე აუცილებელია ბოლო ხუთი წლის სოციალური ქსელების ისტორიის, ყველა ანგარიშისა და ტელეფონის ნომრის, ისევე როგორც ბოლო ათი წლის განმავლობაში გამოყენებული ელექტრონული ფოსტის მისამართების წარდგენა.
გარდა ამისა, აშშ-ის საბაჟო სამსახური ასევე ითხოვს ოჯახის წევრების პერსონალურ ინფორმაციას, მათ შორის: სახელს, გვარს, ტელეფონის ნომრებს, დაბადების თარიღსა და ადგილს, ასევე მათ მისამართს. ინფორმაციის ამგვარი შეგროვების საფუძველია დონალდ ტრამპის მიერ 2025 წლის იანვარში ხელმოწერილი საპრეზიდენტო განკარგულება, სახელწოდებით „ამერიკის შეერთებული შტატების დაცვა უცხოელი ტერორისტებისა და ეროვნული უსაფრთხოებისა და საზოგადოებრივი წესრიგისთვის არსებული სხვა საფრთხეებისგან“.
ამ მოთხოვნების შეუსრულებლობის შემთხვევაში, შესაბამის ტურისტებს შესაძლოა უარი ეთქვათ აშშ-ში შესვლაზ
ომანში გამართული მოლაპარაკებების მიზანი აშშ-ის სერიოზულობის შეფასება იყო, - ამის შესახებ ირანის საგარეო საქმეთა სამინისტროს პრესსპიკერმა, ისმაილ ბაღაიმ განაცხადა.
ირანის საგარეო უწყების პრესსპიკერის განცხადებით, ომანში აშშ-ის დელეგაციასთან გამართული მოლაპარაკებების შემდეგ „ირანმა იგრძნო, რომ დიპლომატიური პროცესის გასაგრძელებლად შესაბამისი გაგება და კონსენსუსი არსებობს“.
„მასკატში შეხვედრა დიდხანს არ გაგრძელებულა. ჩვენი აზრით, მიზანი მეორე მხარის სერიოზულობის შეფასება იყო იმისთვის, თუ როგორ გავაგრძელოთ ამ გზაზე წინსვლა“, - განაცხადა ისმაილ ბაღაიმ.
შეგახსენებთ, აშშ-სა და ირანს შორის ბირთვული შეთანხმების შესახებ მოლაპარაკებები ომანში გასულ პარასკევს გაიმართა. ომანის დედაქალაქ მასკატში ირანის საგარეო საქმეთა მინისტრ აბას არაღჩის, აშშ-ის პრეზიდენტის წარმომადგენლები სტივ უიტკოფი და ჯარედ კუშნერი შეხვდნენ. დონალდ ტრამპმა მხარეებს შორის შეხვედრის შემდეგ განაცხადა, რომ მოლაპარაკებები „ძალიან კარგი“ იყო.
