,
სეტყვამ ყვარლის მუნიციპალიტეტის რამდენიმე სოფელში სასოფლო-სამეურნეო სავარგულები მნიშვნელოვნად დააზარალა. თითქმის 100%-ით განადგურდა როგორც ერთწლიანი, ასევე მრავალწლიანი ნარგავები, მათ შორის ვენახის ნაწილი.
ძლიერმა სეტყვამ საცხოვრებელი სახლების სახურავები და ავტომობილებიც დააზიანა. დაიტბორა სახლების პირველი სართულები, სარდაფები და ეზოები. უამინდობამ პრობლემები შექმნა ელექტრომომარაგების მხრივაც, რის გამოც მოსახლეობის ნაწილი ელექტროენერგიის გარეშეა დარჩენილი. სტიქიის ზონაში ვითარებას ადგილზე გაეცნო ყვარლის მერი. გივი ზაუტაშვილის განმარტებით, სპეციალური კომისია ზარალს უკვე ითვლის.
„უხვმა ნალექმა და სეტყვამ დააზიანა ყვარლის მუნიციპალიტეტის რამდენიმე სოფელი. ამ დროისთვის მიმდინარეობს სამაშველო სამუშაოები. ჩვენი ადგილობრივი ძალებითა და სამაშველო სამსახურების დახმარებით გაწმენდილია გზები და მიმდინარეობს ზარალის დათვლა“, - განაცხადა ზაუტაშვილმა.
სეტყვამ ლაგოდეხის მუნიციპალიტეტიც დააზარალა. ლაგოდეხის მერის მოადგილის, ზურაბ კოჭლამაზაშვილის ინფორმაციით, “თითქმის მთლიანი მუნიციპალიტეტი დაისეტყვა”.
“ახლა მერიის წარმომადგენლებთან ერთად დავდივართ და ობიექტებს ვათვალიერებთ… ზარალს კომისია დილიდან დაითვლის და შეაფასებს, მაგრამ რეალურად, პრობლემა ყველა სოფელშია”, — აღნიშნა კოჭლამაზაშვილმა.
ლაგოდეხის მერიამ ამ საკითხზე სოციალურ მედიაშიც დაწერა. უწყების ცნობით, “სტიქიამ, მოსახლეობას, საცხოვრებელ სახლებთან ერთად, სასოფლო – სამეურნეო სავარგულები და ვენახები დაუზიანა. დაზიანებულია, ასევე, გარე განათების ბოძები და ელექტროსადენები”.
“ადგილობრივი ტექნიკის საშუალებით პირველადი სამუშაოები მიმდინარეობს”, — აღნიშნავს მერია და ამატებს, რომ ზარალის დათვლის შემდეგ, მოსახლეობას დახმარებას “შესაძლებლობის ფარგლებში” აღმოუჩენენ.
შშ-ის პრეზიდენტმა, დონალდ ტრამპთან ვენესუელას პრეზიდენტ ნიკოლას მადუროს გასულ თვეში გამართული სატელეფონო საუბრის დროს გადადგომის და ქვეყნის უსაფრთხოდ დატოვებისთვის ვადა გასული კვირის პარასკევამდე მისცა, - ინფორმაციას Reuters-ი ავრცელებს.
გამოცემა წერს, რომ 21 ნოემბრის საუბარს წინ უძღოდა აშშ-ის მიერ ვენესუელაზე ზეწოლის გაზრდა თვეების განმავლობაში, მათ შორის კარიბის ზღვის აუზში ნარკოტიკების კონტრაბანდაში სავარაუდოდ ჩართულ გემებზე დარტყმები, ტრამპის მუქარა ხმელეთზე სამხედრო ოპერაციების გაფართოების შესახებ და Cartel de los Soles-ის, ჯგუფის, რომლის წევრიც ტრამპის ადმინისტრაციის განცხადებით, მადუროა, უცხოურ ტერორისტულ ორგანიზაციად გამოცხადება.
Reuters-ის წყაროების ცნობით, სატელეფონო საუბრისას მადურომ ტრამპს განუცხადა, რომ მზად იყო დაეტოვებინა ვენესუელა იმ პირობით, რომ მას და მის ოჯახის წევრებს სრული სამართლებრივი ამნისტია ექნებოდათ, მათ შორის აშშ-ის ყველა სანქციის მოხსნა და სისხლის სამართლის საერთაშორისო სასამართლოში მისი საქმის შეწყვეტა.
მან ასევე მოითხოვა სანქციების მოხსნა 100-ზე მეტი ვენესუელელი ჩინოვნიკისთვის, რომელთაგან ბევრს აშშ ადამიანის უფლებების დარღვევაში, ნარკოტიკებით ვაჭრობაში ან კორუფციაში ადანაშაულებს,
მადურომ ასევე ითხოვა, რომ ახალი არჩევნების ჩატარებამდე დროებითი მთავრობის ხელმძღვანელი ვიცე-პრეზიდენტ დელსი როდრიგესი ყოფილიყო.
სატელეფონო საუბარის დრომ ტრამპმა მისი მოთხოვნების უმეტესობა უარყო, თუმცა მადუროს უთხრა, რომ მას ერთი კვირა ჰქონდა ოჯახის წევრებთან ერთად ვენესუელას დასატოვებლად.
წყაროების ცნობით, უსაფრთხო გასვლის ვადა პარასკევს ამოიწურა, რის გამოც ტრამპმა შაბათს ვენესუელას საჰაერო სივრცის დახურვის შესახებ განაცხადა.
მადურო და მისი მთავრობა აშშ-ის ადმინისტრაციის ყველა ბრალდებას უარყოფენ და აცხადებენ, რომ შეერთებულ შტატებს ვენესუელაში რეჟიმის შეცვლა სურს, რათა ქვეყნის უზარმაზარი ბუნებრივი რესურსები, მათ შორის ნავთობი, გააკონტროლოს.
